Signerte byggjekontrakt framfor Osebergskipet

I går blei det klart at AF Gruppen får kontrakten på grunnarbeida på nytt Vikingtidsmuseum på Bygdøy. Kontrakten er verdt 500 millionar kroner, og bygginga startar i januar 2023. I ettermiddag kunne byggherredirektør Marius Tonstad i Statsbygg og direktør Birger Kristiansen i Byggfornyelsen i AF Gruppen gratulera kvarandre med at avtalen var i boks. Den korte seremonien blei halden rett framfor Osebergskipet inne i Vikingskipshuset. 

– Måtte ta ein ekstra runde

For Birger Kristiansen var det stort å signera den første og den einaste og truleg også den siste kontrakten om å få ansvaret for grunnarbeida på eit vikingtidsmuseum

– Det er godt at me kunne få i hamn dette, slik at me kunna halda fram også i det vidare arbeidet med Vikingtidsmuseet, seier Birger Kristiansen.  AF Gruppen har også vore med på forprosjektet.

– Var det sikkert at det ville koma til å få kontrakten på grunnarbeida?

– Me måtte ta ein ekstra runde, men me fekk kontrakten til slutt. Det var viktig, synest han. 

– Stor respekt for oppgåva

Byggherredirektør Marius Tunstad i Statsbygg var svært nøgd med at dei har kunna tildela kontrakten på grunnarbeida til AF Gruppen. 

– Det er med stor respekt me går til oppgåva med å byggja Vikingtidsmuseet. Me er veldig glade for å ha med oss AF Gruppen i dette arbeidet. Saman skal me få det til, seier han til Uniforum.

Etter planen skal alt grunnarbeidet vera ferdig i løpet av 2023.  For Marius Tunstad er kontraktinngåinga med AF Gruppen ein viktig augneblink.

– Det er ein milepæl. Men framleis står mykje arbeid framfor oss. Det er spesielt. Målet vårt er å visa fram skipa og dei andre gjenstandane frå vikingane på ein best mogleg måte og laga eit museum som gler nordmenn og får turistar til Noreg. Dette er eit prosjekt der me heile tida vil jobba tett med Kulturhistorisk museum, Universitetet i Oslo og Kunnskapsdepartementet, understrekar han. 

– Eit kulturbygg med alt som høyrer til

Byggherredirektør Marius Tunstad synest alle partane har vore svært konstruktive og kravde mykje for mange.

– Den gode samhandlinga har gitt oss denne milepælen. Den vil også sikra eit godt samarbeid framover, er han overtydd om. 

Direktør Birger Kristiansen i Byggfornyelse i AF Gruppen er ikkje mindre nøgd enn sin direktørkollega frå Statsbygg. 

– Dette er ikkje eit vanleg bygg, men eit kulturbygg med alt som høyrer til. Me gler oss, seier han. 

Verdas største vikingtidsmuseum

Museumsanlegget blir verdas største og mest innhaldsrike om vikingtida. Heile museumsanlegget blir totalt drøyt 13 000 kvadratmeter, tre gonger så stort som  Vikingskipshuset er i dag. Det vil vera sett saman av to delar. Dagens vikingskipshus vert tatt vare på, og i tillegg vert det bygd  eit 9300 kvadratmeter stort nybygg. 

Når museumsanlegget står ferdig i 2026, blir det ein verdsattraksjon som vil gi publikum eit unikt høve til å oppleva verdas best bevarte vikingskip. Det nye vikingtidsmuseet skal  innehalda ei  publikumsretta samling av gjenstandar frå Vikingskipshuset og frå Kulturhistorisk museum ved Universitetet i Oslo, men også ha funksjonar for forsking og konservering, melder Statsbygg.

Det førebuande arbeidet er i gang, men grunnarbeidet på museet tar altså til i januar neste år. Etter planen skal det nye vikingtidsmuseet stå ferdig i 2026. Først då kan vanlege folk igjen få sjå vikingskipa og dei andre gjenstandane frå vikingtida. 

• Les meir om nytt Vikingtidsmuseum i Uniforum: 

Starter bygging av nytt Vikingtidsmuseum i januar 2023

Håkon Glørstad: – Glad for 700 millionar ekstra til vikingtidsmuseum, men trur det kan kosta dyrt ikkje å gi ein milliard

Byggingen av et nytt Vikingstidsmuseum starter i august, men publikumsopplevelsen kan bli betydelig svekket

UiO ber regjeringa straks å setja i  gang bygginga av nytt Vikingtidsmuseum

LEIAR: Bla opp 1 milliard ekstra til nytt VIkingtidsmuseum, Jonas Gahr Støre! 

Dei har til no samla inn over 5000 underskrifter for vern av vikingskipa

Slik kan byggingen av nytt Vikingstidsmuseum revideres

No skal byggjekostnadene til  Vikingtidsmuseet gåast etter i saumane

Ola Borten Moe aksepterer ikke milliardoverskridelser på vikingtidsmuseet

Vikingtidsmuseet kan bli 1 milliard dyrare enn budsjettert

UiO får 200 millioner i gave til nytt vikingtidsmuseum

Haugesund-selskap skal sikre og flytte vikingskipene

UiO får pengar til nytt vikingtidsmuseum i fødselsdagsgåve

UiO-leiinga ber statsministeren om å sikra pengar til nytt vikingtidsmuseum