Bjarne Rogan vald til ny HF-dekan

Professor Bjarne Rogan, Institutt for kulturstudiar, vann dekanvalet ved Det historisk-filosofiske fakultetet med 232 stemmer. Motkandidaten professor Hans H. Skei, Institutt for nordistikk og litteraturvitenskap fekk 182 stemmer. Bjarne Rogan blei dermed valt til dekan med 60,9 prosent av dei til saman 415 stemmene bak seg. Då er også vektinga av stemmene inkludert.

NY DEKAN: Bjarne Rogan er vald til ny dekan ved HF-fakultetet.

Hans H. Skei fekk fleirtalet av stemmene blant dei faste vitskapleg tilsette, medan fleirtalet av dei teknisk-administrativt tilsette stemte på Rogan. Av dei 235 stemmene som blei gitt av dei vitskapleg tilsette, gjekk 131 til Skei medan 104 stemte på Rogan. Blant dei 101 stemmene frå dei teknisk-administrativt tilsette gjekk 79 til Rogan og 22 til Skei. Blant dei 15 studentrepresentantane, stemte 13 på Rogan og 2 på Skei.
Den nye dekanen vil bli konstituert på fakultetsstyremøte 11. desember 2002. Då vil også professorane Tor Egil Førland og Trine Syvertsen bli konstituerte som høvesvis prodekan for studiar og prodekan for forsking. Klagefristen på resultatet går ut to veker etter at valet blei halde. Dermed blir klagefristen 25. november 2002, kl. 15.00.