Universitetsavisa i Trondheim får redaktørplakat

Styret for NTNU stemte i dag for å innføra redaktørplakat for Universitetsavisa. Samtidig gjekk styret inn for at avisa skal vera nettavis utan eiga papirutgåve.

NTNU-styret gjekk nølande med på Svein Lorentzens forslag om redaktørplakat. Det vil seia at Universitetsavisa skal drivast uavhengig av NTNUs Informasjonsavdeling, men i nært samarbeid med denne avdelinga, skriv Universitetsavisa. Avisa skal leiast av ein ansvarleg redaktør tilsett av styret, men ha eit eige redaksjonsråd.