Også Muzakar Amin, som er representant for dei muslimske studentane, hadde tru på at plasseringa kunne føra til både kontakt og dialog.
- Det er flott plassert, og det er eit fint symbol på den
historiske toleransen mellom muslimar og kristne, som det
finst mange døme på. Det kom ein utsending frå ein kristen by
til byen Najran i noverande Saudi Arabia, som fekk tilbod om
å be i moskeen. Nokre år seinare, drog den andre kalifen Omar
til Jerusalem, der han fekk tilbod om å be i
Gravkyrkja.
Då takka kalifen nei, fordi han var redd for at etterkomarane hans i framtida ville hevda at det var deira eigedom, dersom han hadde bede der, fortalde Muzakar Amin, etter at han hadde lese eit vers frå Koranen.
Før det hadde studentprest Nils Jøran Riedl fortalt om korleis studentane hadde blitt meir og meir fleirreligiøse i løpet av dei siste åra, samanlikna med den gongen den første studentpresten byrja for 40 år sidan. Utanfor kapellet og bønnerommet er det sett av plass til benkar som kan gjera dette til ein møtestad.
- Det er også grunnen til at me to gonger i månaden har ein dialoglunsj, der representantar for fleire religiøse studentorganisasjonar deltar. Me skal heller ikkje nekta for at det har vore konfliktar mellom islam og kristendom. Og ein moské og ei kyrkje er ofte svært ulike. Men dei som har sett Sofia-katedralen i Istanbul, kan heller ikkje ha unngått å ha sett likskapen mellom dei to gudshusa, meinte Riedl. Under opninga var representantar for Muslimsk studentsamfunn til stades.
- Me har rundt 100 medlemar, men alle muslimar kan bruka det muslimske bønnerommet, som vil vera ope i opningstida til Frederikkebygningen, sa Muzakar Amin til Uniforum. Kirkelig kulturverksted engasjerte arkitekt Terje Hope til å teikna bønnerommet. Han har samarbeidd med muslimske studentar ved UiO, som har vore med i ei arbeidsgruppe saman med Studentprestkontoret og Teknisk avdeling. Dei har heile tida kome med innspel til utsmykkinga av bønnerommet.
Logg inn for å kommentere
Ikkje UiO- eller Feide-brukar?
Opprett ein WebID-brukar for å kommentere