Stein Emil Vollset erstattar Dag Thelle i granskingskommisjon

I tillegg har UiO oppnemnt postdoktor, dr. juris Tore Lunde, også han frå Universitetet i Bergen, som medlem av kommisjonen. Det er også klart at stipendiat Sigmund Simonsen frå NTNU i Trondheim skal vera sekretær for granskingskommisjonen. Det opplyser kommunikasjonsdirektør Trine Lind ved Rikshospitalet-Radiumhospitalet til Uniforum.

- Det er blitt stilt spørsmål om professor Dag Thelles habilitet, knytt til tilsetjinga hans hos oss. Me meiner i utgangspunktet at utnemninga er grei, men vel likevel å skifta han ut så lenge habiliteten kan trekkjast i tvil, sa rektor Geir Ellingsrud ved UiO til NTB i går.