Jonas Gahr Støre talar om tryggingspolitikk på UiO

Utanriksminister Jonas Gahr Støre skal halda ein tale om norsk tryggingspoltikk i Georg Sverdrups hus 16. mai.

FØRRE BESØK: UiO-rektor Ole Petter Ottersen klappa fram utanriksminister Jonas Gahr Støre før han opna seminaret om global helse på Blindern i februar.Begge deltar i debatten om tryggingspolitikk når Støre vender tilbake til UiO 16. mai. (Arkivfoto)

Foto: Ola Sæther

Utanriksminister Jonas Gahr Støre kjem ikkje for å halda ein rein monolog. Etter talen blir det nemleg ein debatt om tryggingspolitikk med UiO-rektor Ole Petter Ottersen, professor i statsvitskap, Janne Haaland Matlary og NTNU-professor Torbjørn Knutsen i panelet. Møtet skal haldast i Auditorium 1 i Georg Sverdrups hus, og det begynner kl. 10.00 onsdag 16. mai. Dei som føretrekkjer å koma ein halv time før, vil også få servert kaffi utanfor auditoriet.

Debatten er ein del av Refleks og Tryggingspolitisk utval sin serie av opne møte i Noreg.