Valfritt i Uniforum

Uniforum nr. 16 1999

Debatt

Tradisjonen med å bruka svenske namn på finske byar er nok ikkje innarbeidd som ein tradisjon i Noreg enno. Som Svein Lie ganske riktig påpeikar kallar Aftenposten konsekvent Finlands hovudstad for Helsingfors.

I Dagbladet heiter byen derimot Helsinki. Det gjer den også i Store Norske leksikon. Ved Finlands ambassade, fortel presseråden at det er valfritt om ein brukar Helsinki eller Helsingfors, sjølv om han personleg føretrekkjer Helsingfors på norsk. Også i Uniforum praktiserer me valfridom i dette spørsmålet.

Når det gjeld bruken av Helsingfors universitet/Helsinki universitet, har nok Uniforum ikkje halde seg heilt til tradisjonen når me har kalla det for Universitetet i Helsinki. Det skal me retta opp ved seinare høve. Det kunne forresten vera på sin plass å minna Svein Lie om at Uniforum heiter Uniforum og ikkje UniForum. Det er ikkje valfritt.

Martin Toft

redaktør for Uniforum

Helsingfors universitet

Uniforum nr. 16 1999