Grunnlovsveka er i gang på UiO

Denne veka opna Grunnlovsveka på Universitetet i Oslo. Det blei markert i går måndag 3. mars ved at rektor Ole Petter Ottersen  la ein krans rundt hovudet på Eidsvollsmannen og universitetsprofessoren Georg Sverdrup i Georg Sverdrups hus.

GRUNNLOVA PÅ UiO: UiO-rektor Ole Petter Ottersen opna Grunnlovsveka i Georg Sverdrups hus 3. mars.

Foto: Alv Reidar Dale i Uniforum/UiO

Grunnlovsveka på Universitetet i Oslo blei opna av rektor Ole Petter Ottersen måndag morgon. Etter at han hadde æra Georg Sverdrup ved å leggja ein krans rundt hovudet på bysten av han i foajeen i Georg Sverdups hus, kunne forelesingane for alvor ta til.

Først ute var historieprofessor John Peter Collett og jusprofessor Ola Mestad. Førstnemnde leidde arbeidet med å skriva UiOs historie, medan den sistnemnde er leiar av den nasjonale forskingskomiteen for grunnlovsjubileet. Seinare på dagen fortalde forfattaren Carl Emil Vogt om grev Wedel Jarslberg medan retorikkprofessor og generalsekretær i Vitskapsakademiet, Øyvind Andersen fortalde om Georg Sverdrup.

Les heile programmet for Grunnlovsveka.

MED KRANS: Bysten av Georg Sverdrup har fått krans på hovudet. (Foto: Alv Reidar Dale)

 

 

Emneord: Internasjonalisering, Jus, Universitetspolitikk Av Martin Toft
Publisert 4. mars 2014 10:44 - Sist endra 4. mars 2014 11:55
Legg til kommentar

Logg inn for å kommentere

Ikkje UiO- eller Feide-brukar?
Opprett ein WebID-brukar for å kommentere