Sidan 2005 har regjeringa totalt løyvt midlar til bygging av 6318 studentbustader.
- Tilgang på rimelege bustader er viktig for studentane sin økonomi. Med årets løyving vidarefører vi den historisk store satsinga på studentbustadbygging og understrekar politikken til den raudgrøne regjeringa om at alle skal ha lik rett til utdanning, seier statsråd for høgare utdanning Tora Aasland i ei pressemelding.
I årets fordeling blir om lag 2/3 av tilskota til studentbustader gitt til pressområda. Dette er gjort fordi det er eit særleg behov for studentbustader i dei store byane. Samtidig er det framleis behov for fleire studentbustader i heile landet.
Ved løyvinga er det også lagt vekt på talet internasjonale studentar og bustadmarknaden rundt studiestaden, melder Kunnskapsdepartementet.
Logg inn for å kommentere