Jan Gunnar Winther tildelt Framkomiteens Nansenbelønning

Fungerande forskingssjef Jan Gunnar Winther ved Norsk Polarinstitutt, er tildelt Framkomiteens Nansenbelønning for 2004. Det bestemte styret ved Universitetet i Oslo tysdag 7. september. Prisen er på 25 000 kroner.

Winther har i mange år arbeidd med å karakterisera snøforhold, isbrear og havis ved hjelp av satellittmålingar. Han har leia Antarktisforskinga ved Norsk Polarinstitutt sidan 1994, og har ein professor II-stilling ved Universitetsstudia på Svalbard.

Innstillingskomiteen viser til at han i mange år har vore ein nøkkelperson i norsk og internasjonal polarforsking.