Det er lite som har endra seg på januarmålinga til Webometrics sidan den førre målinga i juli i 2021. Verdsrangeringa blir framleis toppa av Harvard University, fylgd av Stanford University og Massachusetts Institute of Technology. University of Oxford er på femteplas, og det einaste ikkjeamerikanske universitetet på ti-på-topp-lista.
Universitetsrangeringa frå Webometrics januar 2022:
Best i verda:
1.Harvard University
2. Stanford University
3. Massachusetts institute of Technology
4.University of California, Berkeley
Best i Europa:
1,University of Oxford
2.University of Cambridge
3. University College London
4. ETH Zürich
Best i Norden:
1.Københavns Universitet
2. Universitetet i Helsingfors
3. Universitetet I Oslo
4. Aarhus Universitet
5. Uppsala universitet
Best i Noreg
1.Universitetet i Oslo
2.Universitetet i Bergen
3.NTNU
4.Universitetet i Tromsø
5.Universitetet i Stavanger
6.NMBU
7.Universitetet i Agder
8.OsloMet
9.Høgskulen på Vestlandet
10.Høgskolen i Østfold
11. Noregs idrettshøgskule
12. Høgskulen på Innlandet
(Kjelde: Webometrics)
31 000 universitet og høgskular over heile verda er vurderte i januarutgåva av universitetsrangeringa Webometrics.
Den måler kva universitet i verda som har mest mogleg innhald av forskingsartiklar og anna forskingsrelatert informasjon ope tilgjengelege for alle på nett. Alle data blei henta inn mellom 1. og 20. januar i år.
Oxford best i Europa
Femteplassen på verdsrangeringa gir naturlegvis også University of Oxford førsteplassen i Europa, fylgt av naboen University of Cambridge. Deretter fylgjer University College London på tredjeplass. På fjerdeplass kjem ETH Zürich som er det beste universitetet utanfor Storbritannia i Europaligaen. Universitetet i Oslo tangerer 19.plassen i Europa frå julimålinga.
Danmarks to beste betre enn Sveriges beste
Best i Norden er Københavns Universitet framfor Helsingfors universitetet. På tredjeplass kjem Universitetet i Oslo, medan Aarhus Universitet ligg på fjerdeplass, før det beste svenske universitetet Uppsala universitet på femteplass.
UiO nummer 94 i verda
På verdsrangeringa ligg Universitetet i Oslo på 94.-plass, to plassar ned frå den førre målinga. Det nest beste norske universitet er Universitetet i Bergen som kjem som nummer 195 i verda. Tolv plassar lenger nede finn med NTNU på 207.-plass. Dei andre norske universiteta plasserer seg frå nummer 497 til og med 2883 i verda.
Rektor Svein Stølen er godt nøgd med resultatet til UiO på denne rangeringa.
Kina best i Asia
Av dei asiatiske universitetet er det Tsinghua University i Kina som gjer det best og hamnar som nummer 30 på verdsrangeringa. Peking University endar som nummer 47.
I Oseania er det University of Melbourne som toppar lista. Det hamnar også som nummer 42 på verdsrangeringa.
I Latin-Amerika er det Universitetet i Sao Paolo som er vinnaren, og det endar med å blir nummer 72 av verdas universitet, altså 12 plassar høgare oppe enn UiO.
I Afrika inntar University of Cape Town førsteplassen, men det gir det berre ei plassering som nummer 239 i verda.
I den arabiske verda er det King Saud University i Saudi-Arabia som gjer det best. Det plasserer seg som nummer 370 i verda.
Metodologien bak målinga
Webometrics er ein del av det spanske forskingsrådet, og det måler i hovudsak kor synleg og tilgjengeleg eit universitet er på nett. Då handlar det både om nettsider, forskingsartiklar og anna materiell som universiteta gir ut.
Kor synleg ein institusjon er på nett utgjer 50 prosent av det endelege resultatet. Det som tel nest mest er kor mange vitskaplege artiklar institusjonen har mellom dei 10 prosent mest siterte forskingsartiklane i 26 ulike fag i perioden 2016–2020. Det utgjer 35 prosent av den samla poengsummen.Talet på siteringar frå dei beste forskarane tilgjengelege på nett, utgjer 10 prosent, medan det samla talet på nettsider med felles nettadresse bidrar med 5 prosent av den samla karakteren institusjonen får på målinga til Webometrics. Sjølv meiner det spanske forskingsrådet som står bak rangeringa, at desse indikatorane også gir eit godt og rett bilete av kvaliteten til kvart av dei universiteta og kvar av dei høgskulane som målinga har vurdert.
• Les meir om universitetsrangeringar i Uniforum:
UiO når nye høyder på prestisjefylt universitetsrangering
UiO ramlar tre plassar ned i Europas meisterliga
Universitetet i Oslo går oppover på ny universetsrangering
UiO er i Europas meisterliga for å vera mest synleg på nett
UiO er mellom dei fire mest internasjonale universiteta i Norden
UiO er på sjuendeplass i Norden på rangeringen til Times Higher Education
UiO skårer høyt på Shanghai-rangeringen
UiO er på bronseplass mellom Nordens mest synlege universitet på nett
Logg inn for å kommentere
Ikkje UiO- eller Feide-brukar?
Opprett ein WebID-brukar for å kommentere