Kunnskapsdepartementet har fordelt pengar til nye studentbustadar. Til saman blir det gitt pengar til 1 630 nye studenthyblar. Studentsamskipnaden i Gjøvik, Ålesund og Trondheim (Sit) toppar lista med 682 nye hyblar.
Meir om tilskot til bygging av studentbustadar:
Regjeringa gir 600 millionar kroner i tilskott til bygging av 1630 studenthyblar hos 7 studentsamskipnader og ei stifting.
I år vart forskrifta og retningslinjene for studentbustadtilskotet endra. I dei nye retningslinjene kan utgifter til kjøp av tomt bli haldne utanfor den totale kostnaden ein melder inn i søknaden. Det gir samskipnadane meir fleksiblitet når dei søkjer om tilskot.
(Kjelde: Kunnskapsdepartementet)
– Studentbustader bidreg til eit trygt og rimeleg butilbod for studentane gjennom studietida. Difor har regjeringa prioritert å bygge historisk mange studentbustadar. Sidan 2014 har det kome pengar til 17 650 studentbustadar, seier forskings- og høgare utdanningsminister Henrik Asheim(H) i ei pressemelding.
Det er studentsamskipnadene som søkjer om bygging av nye studentbustadar. Kunnskapsdepartementet har i år innvilga tilskot til alle søknadane, og det blir gjeve støtte til 17 prosjekt fordelte på 7 studentsamskipnadar og ei stifting. Tildelinga betyr at det blir gjeve tilskot på totalt nærare 600 millionar kroner.
Dei største og fleste prosjekta i årets søknadar er knytte til nybygg. Studentsamskipnaden i Gjøvik, Ålesund og Trondheim (Sit) er den studentsamskipnaden som har søkt, og fått tilskot til flest studentbustadar. Fire av prosjekta til Sit er knytte til kjøp av eigedom som skal byggast om til nye studentbustadar, medan dei resterande ni er nybyggprosjekt.
Korona har ikkje forseinka studentbustadbygginga
Trass i eit krevjande år ser det ikkje ut til at pandemien har forseinka bygginga av studenbustadar. I 2020 er det sett i gong bygging av over 2200 studenthyblar.
– Det er gode nyheiter både for byggebransjen og studentane at det ikkje har vore store forseinkingar av studentbustadbygginga grunna korona. Det betyr at vi kan sjå fram til innflyttingsklare studentbustader om ikkje alt for lenge, seier Asheim.
Bygginga har dei siste åtte åra vore høgare enn før. Sidan 2015 er det gjeve tilsegn til mellom 2200 og 2500 studentbustadar årleg. Unntaksåret var 2019 då det vart tildelt pengar til rundt 1500 hybeleiningar. At det vart gitt få tilsegner dette året kjem av at mange av søknadane var oppgraderingsprosjekt som ikkje vart godkjente.
Eit kriterium for å få pengar er at støtta skal gå til å auke delen av studentbustadar gjennom bygging av nye bustadar, eller ved kjøp eller ombygging av eksisterande bustadmasse.
Pilot på kombinerte sjukeheimar-/omsorgsbustadar og studentbustadar
Av den totale potten blir det sett av 7 450 000 kroner i tilskot til 20 hybeleiningar i samband med etablering av ein pilot der ein skal kombinere sjukeheimar-/omsorgsbustadar og studentbustadar.
– Dette er eit veldig spennande prosjekt som kan gagne både studentane og dei eldre. Studentane får redusert leige ved å vere med i sosiale aktiviter med dei eldre. Det kan bidra til å redusere einsemd og skape fine møte mellom generasjonar, seier Asheim.
Det er førebels ikkje avgjort kven som skal drive dette prosjektet.
Tildelingar 2021:
Samskipnad |
Prosjekt |
Tiltak |
Talet på hybel-einingar |
Maksimalt tilskot |
|
Kristiansand, Gimle 4 |
Nybygg |
200 |
74 500 000 |
|
Kringsjå III |
Nybygg |
350 |
130 375 000 |
|
Halden |
Nybygg |
33 |
10 490 700 |
|
Elgseter gt 23 |
Kjøp |
35 |
13 037 500 |
|
Rosenborg |
Kjøp/ombygg |
135 |
50 287 500 |
|
Moholt |
Ombygg |
45 |
16 762 500 |
|
Kloster gt 56 |
Nybygg |
17 |
6 332 500 |
|
|
Nybygg |
15 |
4 768 500 |
|
|
Nybygg |
435 |
162 037 000 |
|
|
|
|
|
|
Vieåsen |
Nybygg |
9 |
2 861 100 |
|
|
|
|
|
|
|
Kjøp/ombygg |
51 |
18 997 500 |
|
|
Nybygg |
93 |
29 564 700 |
|
Rennebergstien |
Nybygg |
150 |
55 875 000 |
|
Østregate 1 |
Kjøp/ombygg |
13 |
4 132 700 |
|
Nordfløy |
Nybygg |
14 |
5 215 000 |
Logg inn for å kommentere
Ikkje UiO- eller Feide-brukar?
Opprett ein WebID-brukar for å kommentere