Måndag kveld presenterte partileiarane Erna Solberg og Siv Jensen plattforma til den nye blåblå regjeringa. Den viser at dei ynskjer å satsa på å utvikla eliteuniversitet og har også som mål at investerinar i forsking og utvikling skal utgjera tre prosent av bruttonasjonalproduktet innan 2030. UiO-rektor Ole Petter Ottersen ser mange gode signal i plattforma.
- Høgt kunnskapsinnhald
- Det er tydeleg at det er vilje til å fylgja opp ambisjonane i valprogramma. Dette er bra, og eg har store forventingar til at me nå får auka satsing på forsking i Noreg. Dette er helit avgjerande for at me med dagens høge kostnadsnivå skal kunna oppretthalda konkurransekrafta vår. Me må ha eit høgt kunnskapsinnhald i varer og tenester. Ei investering i forsking og høgare utdanning er viktig for utviklinga av både individ og samfunn, understrekar Ottersen.
- Langt tidsperspektiv
Han peikar på at ingen enno veit kor stor auke det blir i satsinga på dei ulike delane i erklæringa. Det er heller ikkje mogleg å seia noko om kor langt fram i tid satsinga vil skje - Det er no viktig at satsinga får eit langt tidsperspektiv slik at me får vita i tide kva som trengst for at forsking skal trivast og gi dei gjennombrota me treng. Me håpar også at signala me har fått om ei større investering i bygg og vedlikehald blir fylgt opp, seier Ole Petter Ottersen.
Logg inn for å kommentere