Fossil med rocka namn

Frå 1990-talet begynte vitskapsfolk å kalla opp nyoppdaga fossil etter rockeidola sine. Naturhistorisk museum viser no eit utstilling over fenomenet.

TUNG: Tungrockgruppa Magister Templi stod for den musikalske opninga av utstillinga Heavy metal& Punk fossils på Naturhistorisk museum på Tøyen.

Foto: Martin Toft

Utstillinga Heavy metal & Punk fossils blei opna av øglegravar Jørn Hurum i godt samarbeid med tungrockgruppa Magister Templi fredag 25. juli. Dei som besøkjer utstillinga vil sjå ein dinosaurus som er kalla opp etter Mark Knopfler og ein trilobittmodell i stor storleik, der kvar del ber namnet til medlemane i punkegruppa Sex Pistols.

Mannen bak utstillinga er Mats Eriksson frå Lunds universitet, som har kalla dei siluriske børsteormane Kalioprion kilmisteri og Kingnites diamondi opp etter Lemmy Kilmister frå Motorhead og den danske metal-legenden King Diamond.  Ingen av dei slår likevel superhelten til naturviskapsfolka. Charles Darwin. Han har 220 artar kalla opp etter seg, peika Jørn Hurum på, då han opna utstillinga. Den er utvikla av Jesper Milán, Geomuseum Faxe og Esben Horn, 10tons.

Les meir om utstillinga Heavy metal & Punk fossils

Emneord: Museene, Naturhistorisk museum, Naturfag Av Martin Toft (tekst og foto)
Publisert 28. juli 2014 17:00 - Sist endra 29. juli 2014 11:32
Legg til kommentar

Logg inn for å kommentere

Ikkje UiO- eller Feide-brukar?
Opprett ein WebID-brukar for å kommentere