Det var for to veker sidan foreldra til barna i Universitetets barnehage fekk ein epost frå UiO-leiiinga om at barnehagen ville bli føreslått nedlagt frå og med sommaren 2027. Også støtta til Blindern barnestuer stod i fare for å forsvinna. Til saman ville UiO ha spart 11 millionar kroner i året på desse tiltaka.
I formiddag fekk foreldra ei kontramelding frå universitetsdirektør Arne Benjaminsen. I meldinga som Uniforum har fått ein kopi av, står det at dei vil klargjera at UiO likevel ikkje kjem til å koma med forslag om å leggja ned barnehagetilbodet på UiO.
Det vil heller ikkje bli føreslått endringar i finansieringa av Blindern barnestuer, går det fram av meldinga frå universitetsdirektøren. Han skriv også at UiO vil sjå nærmare på organiseringa for Universitetets barnehage slik at den kan drivast vidare i lovlege former. Dette vil me gjera i dialog med barnehagen, lovar han.
Den tillyste demonstrasjonen mot barnehagenedlegging i dag, blir dermed ei jubelfeiring for at UiO ikkje vil leggja ned barnehagetilbodet for barna til tilsette ved Universitetet i Oslo.
– Gledeleg og positivt
Det er ein glad statsvitskapsprofessor og far, Tore Wig Uniforum treff i barnehagen rett etter at aksjonen er over.
– Det er veldig gledeleg og positivt, og det viser at universitetsleiinga høyrer på argumenta frå dei tilsette. Det er veldig viktig. Så dette er supert, synest han.
– Trur du forslaget om nedlegging og kutt av støtte vil koma opp på nytt?
– Det kjem opp med jamne mellomrom, men då må dei gå gjennom det same på nytt med stor motstand då også. Dette er ikkje store utgifter på UiOs budsjett. Så dette lønner seg, understrekar Tore Wig.
– Kjempeglad og heilt fantastisk
Rett utanfor Blindern barnestuer møter Uniforum også to glade mødrer. Ei av er Vilde Nenseth i IT-avdelinga.
– Eg er sjølvsagt kjempeglad for dette og at universitetsleiinga har høyrt på oss. Så det er fint. Me blei glade og overraska då nyhendet kom. Men me har jobba hardt for å få argumenta våre ut, då, seier ho.
Den andre mora er Francis som arbeider ved Det utdanningsvitskaplege fakultetet.
– Det er heilt fantastisk. Eg har eit barn som nettopp har begynt her, og eit barn som tidlegare var her i tre år. Dette er den beste barnehagen. Og det er nyttig å ha den her på Blindern, nær jobben. Og personalet er fantastisk, ropar ho til ein av dei tilsette som kjem trillande med eit barn i ei barnevogn.
(Oppdatert kl. 12.20 med intervju med foreldre)
Les meir i Uniforum:
Instituttleiar Eirinn Larsen: - Korttenkt å leggja ned Universitetets barnehage
Debatt: – Vi kan ikke bare viske ut alt vi har bygget opp
Debatt: Arne Benjaminsen: Vi lytter til innspillene deres
Barnehagestyrar om mogleg nedlegging:– Det var eit brutalt sjokk
Debate: Universitetets barnehage - It is beyond me that a university would give up this asset
Jeg er utrolig glad og takknemlig for å ha fått være en del av denne viktige seieren sammen med foreldrene og de ansatte i Universitetets barnehage! ❤️🥹 Det gjør meg så utrolig glad å se at det faktisk nytter å stå sammen, engasjere seg og kjempe for det man tror på. Denne prosessen har vist hvor stor kraft det ligger i et fellesskap som står samlet, og hvor viktig det er at vi bruker stemmene våre når noe står på spill. Takket være engasjementet, samholdet og presset fra fellesskapet har vi fått oppleve at det er mulig å gjøre en forskjell. Men det aller viktigste for meg er at barnas beste har blitt løftet frem og tatt på alvor. Barnas beste skal alltid komme først! ❤️ Jeg er utrolig takknemlig for å være en del av et så engasjert fellesskap, der foreldre og ansatte står sammen for det som virkelig betyr noe. Dette handler om så mye mer enn en barnehage. Det handler om barna våre, trygghet, tilhørighet og verdien av å bli hørt. Denne seieren gir håp og minner oss på at det nytter å stå sammen, også når kampen virker vanskelig. Lenge leve Universitetets barnehage! ❤️✊🏼 Sammen er vi sterkere! 🌟
Logg inn for å kommentere