Ei veke etter at Columbia University gjorde det kjent at dei godtok Trump-administrasjonen sine krav til universitetet, går Katrina A. Armstrong av som konstituert rektor, melder Khrono i dag.
Avisa har både CNN og Columbia University sine nettsider som kjelder for nyhendet. På den sistnemnde nettstaden kunngjorde Katrina A. Armstrong sjølv på fredag at ho ville gå av som konstituert rektor og gå tilbake til leiarstillinga ved Irving Medical Centre på Columbia University.
Det var tidlegare denne månaden det blei klart at administrasjonen til president Donald Trump ville halda tilbake 400 millionar dollar i løyvingar til Columbia University dersom universitetet ikkje innfridde bestemte krav. Det innebar mellom anna å gi sikkerheitsvakter fullmakt til å gjennomføra arrestasjonar på universitetsområdet. Dessutan kravde presidentadministrasjonen at Institutt for studiar av Midtausten, Asia og Afrika, ikkje lenger skulle styra seg sjølv, men leggjast direkte under universitetsleiinga. I helga publiserte Khrono eit støttebrev frå vitskapleg tilsette og stipendiatar frå Institutt for kultur, religion, Asia- og Midtaustenstudium ved UiO til dei utsette kollegaene sine ved Columbia University.
Katrina A. Armstrong blei innsett som konstituert rektor etter at forgjengaren hennar Minouche Shafik, måtte gå av på grunn av handteringa av dei anti-israelske og propalestinske demonstrasjonane etter at den siste konflikten mellom Israel og Hamas tok til den 7. oktober 2023. Det var etter at ho både hadde blitt grilla om antisemittisme i Kongressen og hadde bede politiet gripa inn mot Gaza-demonstrasjonar at ho til slutt måtte trekkja seg som rektor.
• Les meir om situasjonen for akademia og presidentskiftet i USA:
Trump krever at forskere verden rundt fyller ut spørreskjema om DEI, kjønn og klima
Columbia University bøyer av for press fra Trump
Likheten mellom hillbillyen J.D. Vance og innvandrersønnen Abid Raja
Utdanningsdepartementet i USA blir halvert
Sigrun Aasland: – Heile sektoren er uroleg for det som skjer i USA
LEIAR: Me må slå ring om akademia i USA
Det Norske Videnskaps-Akademi: – Forskarar er rysta langt inn i beinmargen
Amerikansk gjesteforskar spår hjerneflukt frå Donald Trumps USA
UiO-professor: – Ingen står klar til å overta Donald Trumps posisjon om han døyr
Scott Gates om USA-valet: – Det ser ut til å bli uavgjort
Institutt for statsvitskap skal formidla kunnskap om USA-valet medan det skjer
Logg inn for å kommentere