Det var fullt i vestibylen i Georg Sverdrups hus, då universitetskoret Unikor inviterte til den tradisjonelle julekonserten. 33 sangglade UiO-tilsette kvinner og menn tok det sitjande og ståande publikummet med på eit repertoar gjennom ein god knippe tradisjonelle julesongar som "Glade jul" og "Her kommer dine arme små", saman med nokre litt meir utradisjonelle som "Arbeidsløs jul" og "Vinternatt".
Då dirigent Ketil Grøtting etter vel ein times konsert for siste gong bukka for publikum, fekk han og Unikor velfortent applaus tilbake. Med Unikors julekonsert og det etterfylgjande snøvêret var julestemninga sikra på Universitetet i Oslo i dag. Det som også er sikkert, er at det blir ein ny julekonsert med Unikor i 2023, truleg også inne som i dag, og ikkje ute som i 2021 som ein konsekvens av pandemien.
Logg inn for å kommentere