Universitetet i Oslo avlyser arrangementet i Botanisk hage som skulle ha markert starten på Pride-paraden i Oslo sentrum. I ei melding UiO har lagt ut på nettsidene sine står det fylgjande:
"I lys av nattens grusomme hendelser, har Oslo Pride avlyst paraden og alle andre arrangementer i tilknytning til Pride i dag, etter anbefaling fra politiet. Dermed er også vårt arrangement og deltakelse i paraden avlyst. Våre tanker går til de etterlatte og berørte".
Og UiO-rektor Svein Stølen har i ei twittermelding oppfordra alle til å markera dagen åleine, saman. "Usigelig trist! I dag markerer vi @OsloPride, hver for oss men likevel sammen, for å hedre de døde og de skadde - og for å hylle mangfold og kjærlighet"
Til Uniforum fortel Svein Stølen at UiO fylgjer situasjonen nøye.
– UiO er i kontakt med Studentsamskipnaden i Oslo (SiO) i tilfelle studentar er berørte av det som skjer. Derfor er det viktig med oppfylging både av studentar og tilsette, seier Svein Stølen til Uniforum.
• Les om tidlegare Pride-arrangement ved UiO:
UiO og OsloMet starta Oslo Pride frå Botanisk hage
UiO- og HiOA-toppane gjekk i samla tropp i Pride-paraden i Oslo
Logg inn for å kommentere