Ny musikk til 100 år gamle Munch-måleri

Med elleve nykomponerte musikkstykke til dei elleve måleria til Edvard Munch, blei 100-årsdagen for Munch-måleria i Aulaen feira den 19. september.

SOLEN: Engergårdkvartetten spelar stykket «Solsirkler» av Lasse Thoresen til det store Munchmåleriet Solen i Aulaen. Barytonen Yngve Søberg syng og Håvard Gimse spelar klaver.

Foto: Martin Toft

Aulaen var sprengfull då elleve norske samtidskomponistar fekk urframført kvar sine stykke til dei elleve Munch-måleria i Aulaen.

Kunst til inspirasjon

Markeringa blei opna av UiO-rektor Ole Petter Ottersen, som viste til kor viktig og unik hending dette var for å heidra Aulamåleria til Noregs største kunstmålar.

– Kunsten hans imponerer oss og inspirerer oss både innanfor forsking, utdanning og innovasjon, sa han, før musikarane overtok podiet og nye musikalske tonar gav publikum nye bilete av Munch-måleria i Aulaen.

Kor, songarar og kvartett

Dei elleve komponistane som bidrog, var Maja Ratke, Henning Sommerro, Marcus Paus, Knut Avenstroup Haugen, Ketil Bjørnstad, Ingrid Bjørnov, Gisle Kverndokk, Bjørn Kruse, Henrik Skram, Therese Birkelund Ulvo og Lasse Thoresen. Musikkstykka blei framførte av Det Norske Jentekor med dirigent Anne Karin Sundal-Ask, pianistane Håvard Gimse og Ellen Ugelvik, Engegårdkvartetten, pianist og songar Ingrid Bjørnov, mezzosopran A.Voje, barytonen Yngve Søberg og sopranen Eir Inderhaug.

Drivkrefter bak markeringa var kunstforvaltar Ulla Uberg og kulturrådgjevar Gjøril Songvoll ved UiO.

HYLLEST: Musikarar og komponistar får fortent hyllest etter framføringa av ny musikk til 100 år gamle Munch-måleri i Universitetets aula 19. september 2016. (Foto: Martin Toft)

 

Emneord: Kultur, Kunst, Universitetets Aula Av Martin Toft
Publisert 21. sep. 2016 16:07 - Sist endra 23. sep. 2016 16:03
Legg til kommentar

Logg inn for å kommentere

Ikkje UiO- eller Feide-brukar?
Opprett ein WebID-brukar for å kommentere