Sluttar som kommunikasjonsdirektør
Siv Nordrum sluttar som kommunikasjonsdirektør ved Universitetet i Oslo frå årsskiftet. Etter det Uniforum kjenner til, går ho til ei nyoppretta stilling som kommunikasjonsdirektør i Statistisk sentralbyrå.
SLUTTAR: Siv Nordrum sluttar som kommunikasjonsdirektør ved UiO for å overta ei liknande stilling i Statistisk sentralbyrå. (Arkivfoto)
Siv Nordrum er tilsett i den nyoppretta stillinga som kommunikasjonsdirektør.i Statistisk sentralbyrå. Det stadfestar Heidi Torstensen, som er seksjonssjef for personal og kompetanse i SSB.
Siv Nordrum har sjølv orientert både dei tilsette i Kommunikasjonsavdelinga og universitetsleiinga om at ho er blitt tilsett som kommunikasjonsdirektør i Statistisk sentralbyrå, og vil slutta på Universitetet i Oslo frå og med årsskiftet.
Siv Nordrum begynte som kommunikasjonsdirektør ved Universitetet i Oslo hausten 2006. Då hadde ho tidlegare mellom anna vore statssekretær på Statsministerens kontor i Bondevik II-regjeringa og arbeidd i nyhendeavdelinga i NRK.
Logg inn for å kommentere
Ikkje UiO- eller Feide-brukar?
Opprett ein WebID-brukar for å kommentere