Tyrkia utsette rettssak mot 10 akademikarar

Den tyrkiske påtalemakta bestemte å utsetja rettssaka mot ti av underskrivarane av erklæringa til Academics for Peace til 12.april neste år. Det fekk dei ti akademikarane beskjed om då dei møtte opp i rettslokala i Istanbul tysdag 5. desember, melder den engelskpråklege utgåva av avisa Hürriyet og andre kjelder.148 av dei til saman 1128 underskrivarane er tiltalte for å ha støtta ein terroristorganisasjon. Dei kjem frå 89 universitet i Tyrkia. Academics for Peace blei sett i gang i januar 2016 for å krevja at tyrkiske styresmakter og dei væpna kurdiske gruppene i Søraust-Tyrkia, innstilte krigshandlingane og starta fredsforhandlingar. Akademikarar frå mange land har protestert mot dei varsla rettssakene, ein av dei er den verdskjende amerikanske lingvisten Noam Chomsky.

Emneord: Akademisk frihet, Tyrkia, Menneskerettar
Publisert 8. des. 2017 11:41 - Sist endra 8. des. 2017 11:41
Legg til kommentar

Logg inn for å kommentere

Ikkje UiO- eller Feide-brukar?
Opprett ein WebID-brukar for å kommentere