UiO avduka skulpturgåve

Kunstverket «Uten tittel» av kunstnaren Paul Brand blei i dag avduka ved gangvegen frå Blindernveien til Georg Sverdrups hus.

FRAMFOR GEORG SVERDRUPS HUS: Skulpturen "Uten tittel" er plassert framfor Georg Sverdrups hus. Den har samband med Paul Brands kunstverk "Magisk kvadrat" som er døra inn til Universitetsbiblioteket frå vestibylen.

Foto: Ola Sæther

Paul Brand laga i 1999 også kunstverket «Magisk kvadrat» som er døra inn til Universitetsbiblioteket frå vestibylen. Plasseringa av den nye skulpturen «Uten tittel» vil ha samband med kunstverket inne i biblioteket.

Skulpturen er ei gåve frå Henning Olesen, som tidlegare var innehavar av pelsforretninga Studio Olesen i Oslo.

– Tusen takk for plasseringa, sa han og vende seg til universitetsdirektør Gunn-Elin Aa. Bjørneboe. – Eg vil oppfordra alle til å koma hit og sjå på skulpturen, og gå til Universitetsbiblioteket og sjå «Magisk kvadrat» etterpå, sa Bjørneboe. – Eg forstår at du Paul Brand er glad i matematikk, la ho til.

Det kunne kunstnaren Paul Brand skriva under på: – Desse tre figurane som dannar denne skulpturen, er forma slik at dei til saman utgjer 360 grader, peika han på.