Frå 26. juni til og med 1. juni var det val på ny representant for dei mellombelse vitskaplege tilsette i universitetsstyret ved Universitetet i Oslo. Det var tre kandidatar til vervet: Kristin Slungård, Karl Henrik Storhaug Reinås og Frida Johanne Holmen. Alle kandidatane er stipendiatar frå Det utdanningsvitskaplege fakultetet.
Då valstyret ved UiO la fram resultatet i dag, blei det klart at det var Kristin Slungård som hadde fått flest stemmer og dermed skal representera dei mellombels vitskaplege tilsette i universitetsstyret.
På andreplass kom Frida Johanne Holmen, medan Karl Henrik Storhaug Reinås blei nummer tre. Det vil seia at Frida Johanne Holmen blir første vara, medan Karl Henrik Storhaug Reinås blir andre vara for Kristin Slungård.
Kristin Slungård vil dermed overta plassen til Emma Joanna Lengle som har representert dei mellombels vitskaplege i universitetsstyret i studieåret 2025/26.
I møtet i Universitetsstyret i september vil Kristin Slungård for første gong møta som representant for dei mellombels vitskaplege. Då vil ho også få selskap av to nye studentrepresentantar Juni Romero y Cordero Berg-Nielsen og Herman Winther.
I valplattforma til Kristin Slungård går det fram at ho ynskjer at UiO må utvikla tydelegare løp frå stipendiat og postdoktor til faste stillingar.
Les også i Uniforum:
Desse tre vil inn i universitetsstyret/These three want a seat on the University Board
Logg inn for å kommentere