Avtalen om forenkla forskingssamarbeid mellom Noreg og Storbritannia har vorte underteikna for to nye år. Det betyr blant anna enklare tilgang til eksterne midlar for norske og britiske forskarar som samarbeider, melder Forskingsrådet i ei pressemelding.
Avtalen mellom forskingsråda i Noreg og Storbritannia vart første gong inngått i 2022 og har vist seg svært verdifull for å støtte forskingssamarbeid mellom forskarar frå begge land.
UK Research and Innovation (UKRI) og Noregs forskingsråd har derfor fornya avtalen for to år til. Dermed kan norske og britiske forskarar som samarbeider, enkelt søkje om midlar frå begge lands forskingsråd.
UKRIs administrerande direktør Dame Ottoline Leyser og Forskingsrådets administrerande direktør Mari Sundli Tveit, har forlenga avtalen med 2 år til med iverksetjing frå og med 5. oktober 2024.
Logg inn for å kommentere