John-Arne Røttingen er tilsett som administrerande direktør i den britiske humanitære stiftelsen Wellcome, melder selskapet i ei melding på nettsidene sine. Han er no ambassadør for global helse i Utanriksdepartementet, og han har tidlegare vore administrerande direktør i Noregs forskingsråd.
Målet til stiftelsen Wellcome er å bruka 16 milliardar pund (213 milliiardar kroner) fram til 2032 på å støtta vitskap som kan løysa dagens store helseutfordingar. I ei melding på X/Twitter @jarottingen uttrykkjer han stor glede over å ha blitt tilsett i denne stillinga.
– Eg føler meg privilegert som får høve til å jobba saman med kollegaer i Wellcome for å bringa fram ny kunnskapsbasert forsking og utfordringsdriven forsking til heile samfunnet for å byggja ei sunnare framtid, skriv han.
Ifylgje Wikipedia blei stiftinga Wellcome Trust grunnlagt i 1936 på bakgrunn av testamentet til farmasi-magnaten Sir Henry Wellcome for å finansiera forsking for å forbetra menneskehelsa.
Logg inn for å kommentere