Anne Lena Flatland går frå jobben som kultur -og idrettssjefi Moss kommune til jobben som direktør for Baroniet Rosendal. Der begynner ho etter nærare avtale i løpet av hausten 2023, melder UiO på sine nettsider. Ho har tidlegare vore dagleg leiar for stiftelsen Akershus festning for kunst og kultur, og leiar for program, kommunikasjon og marknadsføring ved Norsk folkemuseum.
Flatland vil overta etter Anne Grete Honerød, som har bede om å få pensjonera seg etter å ha jobba i 43 år med utvikling og drift av Baroniet Rosendal.
Det var 17 søkjarar til stillinga, og styret for Baroniet Rosendal/ Den Weis-rosenkroneske stiftelse vedtok å tilby stllinga til Anne Lena Flatland.
– Eg har blitt tilbydd draumejobben! Tenk å få jobba med utviklinga av den unike kulturskatten vi har i verdas vakraste heimbygd! Eg er audmjuk ovanfor oppgåva og tilliten som styret for Baroniet har vist meg, og eg er imponert over den utviklinga Baroniet har hatt under leiinga som no pensjonerer seg. Dette gler eg meg veldig til, seier Anna Lena Flatland.
Logg inn for å kommentere