Dei langvegsfarande gjestane frå Kina, blei helsa velkommen av viserektor Åse Gornitzka ved Universitetet i Oslo. Ho peika på at besøket er ein fin opptakt før Kina-turen til statsråd for forsking og høgare utdanning, Iselin Nybø. I april drar ho til Kina som leiar for ein stor norsk delegasjon frå universitet og andre forskingsinstitusjonar.
Delegasjonen frå Kina er sett saman av 33 velkjende institusjonar og blir leidd av China Education Association for International Exchange (CEAIE) og organisasjonen sin generalsekretær Zhao Lingshan. Det er den organisasjonen som også organiserer besøket frå Noreg i april, får Uniforum opplyst frå kommunikasjonsrådgjevar Anders Lundell ved Universitetet i Oslo. Også rektor Curt Rice ved OsloMet -storbyuniversitetet møtte den kinesiske delegasjonen i dag.
Seinare i dag reiser dei til Nord universitet i Bodø der dei skal delta på ein stor konferanse om samarbeid mellom Kina og Noreg.
Logg inn for å kommentere
Ikkje UiO- eller Feide-brukar?
Opprett ein WebID-brukar for å kommentere