Riksrevisoren meiner kvalitetsarbeidet på universitet og høgskular er for lågt prioritert

Riksrevisjonen har undersøkt korleis utdanningsinstitusjonane legg til rette for å vidareutvikle kvaliteten i studieprogramma, og korleis statlege verkemiddel støttar opp om dette arbeidet.

Undersøkinga viser at universitet og høgskular har problem med å setje av og skjerme tid til utviklingsarbeidet.

– Evna til kontinuerleg kompetanseheving og omstilling vil vere avgjerande for å vidareutvikle samfunnet og for å bevare velferdsnivået vårt, derfor må universitet og høgskular prioritere kvalitetsarbeid, seier riksrevisor Karl Eirik Schjøtt-Pedersen i ei pressemelding frå Riksrevisjonen.

Mange studentar bruker meir enn normert tid

Undersøkinga frå Riksrevisjonen viser at

• andelen studentar som blei ferdige på normert tid har auka frå 2013 til 2022, men framleis bruker 44 prosent av studentane meir enn normert tid
• utdanningsinstitusjonane ser arbeidet med å vidareutvikle kvaliteten i studieprogramma som viktig for å betre studiegjennomføringa
• det er stor variasjon mellom studieprogram innanfor same fagområde når det kjem til undervisning, tilbakemelding, vurdering og arbeidslivsrelevans.

– Våre funn tyder på at det kan vere behov for vidareutvikling i mange studieprogram, og at studieprogramma kan lære av kvarandre. Det er avgjerande at universitet og høgskular er merksame på samanhengen mellom studiegjennomføring og kvaliteten i studieprogramma, seier riksrevisor Karl Eirik Schjøtt-Pedersen.Les heile undersøkinga frå Riksrevisjonen

https://www.riksrevisjonen.no/rapporter/