Erling Sandmo er død

Historieprofessor Erling Sandmo er død 56 år gammal. Inntil nyleg var han også fast representant i universitetsstyret.

DØD: Historieprofessor og tidlegare styremedlem i universitetsstyret, Erling Sandmo er død. Han blei 56 år gammal.

Foto: Ola Sæther

Historieprofessor Erling Sandmo  (56) døydde på ein skitur sist fredag, melder NRK. Erling Sandmo hadde nyleg sagt opp jobben som historieprofessor ved Universitetet i Oslo for å kunne leia Kartsenteret ved Nasjonalbiblioteket på heiltid.

 "– Nasjonalbibliotekets samling av kart er himmelen for den som er opptatt av historier om verden. Og hvem er ikke det," sa Erling Sandmo til den uavhengige nettstaden Bok365 14. januar i år. Erling Sandmo var også kjent som musikkmeldar og som programleiar for radioprogrammet "På sporet" i  NRK P2.

Erling Sandmo blei vald inn i universitetsstyret som representant for dei fast vitskaplege tilsette i 2017. Etter at han fekk  den to år lange jobben med å byggja opp Kartsenteret til Nasjonalbiblioteket, har varamedlem Olav Gjelsvik møtt fast. Planen var at Erling Sandmo skulle vera tilbake som styremedlem det siste året av valperioden.  Då han fekk tildelt den permanente stillinga som leiar for Kartsenteret, blei heller ikkje det aktuelt.

Emneord: Historie, Universitetsstyret Av Martin Toft
Publisert 24. feb. 2020 15:01 - Sist endra 24. feb. 2020 15:01
Legg til kommentar

Logg inn for å kommentere

Ikkje UiO- eller Feide-brukar?
Opprett ein WebID-brukar for å kommentere