Snømannen kom til Blindern

I dag kom "Snømannen" til Blindern. Heile dagen har det vore filminnspeling i og utanfor Blindern Athletica, også kjent som Idrettsbygningen.

KUNSTIG SNØ: Desse folka er i ferd med å laga kunstig snø utanfor Idrettsbygningen til innspelinga av ei scene til filmen "Snømannen".

Foto: Ola Sæther

Det blei laga kunstig snø rundt inngangen til Blindern Athletica i dag. For då hadde innspelinga av Jo Nesbøs kriminalroman "Snømannen" flytta seg frå Schrøder, Rjukan og Bergen til Blindern. Då Uniforums fotograf var på plass, var det stort sett teknisk personell og statistar som var til stades.

Den største konsekvensen av dagens filminnspeling, var at ingen kunne trena i Idrettsbygningen.

Ein annan fylgje av det, var at det var ingen ledige parkeringsplassar igjen, på den parkeringsplassen som studentane brukar for å parkera bilen nærast mogleg Frederikkebygningen. Alle plassane var opptekne av staben til filmselskapet som står bak innspelinga av "Snømannen".

Dei som vil sjå dei ferdige opptaka frå Blindern, må truleg venta til filmpremieren hausten 2017. 

Les også artikkelen "Naboen til Harry Hole"

FILMINNSPELING PÅ BLINDERN: Rett utanfor idrettsbygningen var vinteren i ferd med å koma tilbake i dag, då filmselskapet bak "Snømannen" var i gang med å førebu innspeling av ei scene til filmen "Snømannen". (Foto: Ola Sæther)

 

 

 

Emneord: Kultur Av Martin Toft
Publisert 31. mars 2016 16:35 - Sist endra 31. mars 2016 16:35
Legg til kommentar

Logg inn for å kommentere

Ikkje UiO- eller Feide-brukar?
Opprett ein WebID-brukar for å kommentere