Kavliprisen i astrofysikk er delt i tre mellom dei amerikanske forskarane David Jewitt ved University of California i Los Angeles, Jane X. Luu, Massachusetts Institute of Technology, og Michael E. Brown frå California Institute of Technology. Dei får prisen for å ha oppdaga og skildra Kuiperbeltet og dei største delane av dette beltet, som ligg utanfor Neptuns bane i solsystemet vårt. Dei er sett saman av is og kometane kjem derifrå. Denne forskinga har ført til store framsteg i forståinga vår av historia til planetsystemet vårt.
Nanoskalaer
Kavliprisen i nanovitskap, går til Mildred S. Dresselhaus, Massachusetts Instute of Technology, USA. Ho får prisen for skilnadene i materialeigenskapar mellom nanoskala og større skalaer
Hjernen og sansane
Kavliprisen i nevrovitskap, er delt i tre mellom Cornelia Isabella Bargmann ved Rockefeller University i USA, Windfried Denk, Max Plank-instituttet i Tyskland, og Ann M. Graybel ved Massachusetts Institute of Technology i USA. Dei får prisen for å finna grunnleggjande svar på korleis hjernen mottar og reagerer på sanseoppfatningar som syn, lyd og berøring.
Namna på prisvinnarane blei kunngjort samtidig i Vitskapsakademiet i Oslo og på opninga av Verdas vitskapsfestival i New York i dag.
– Inspirasjon for unge kvinnelege forskarar
Kunnskapsminister Kristin Halvorsen gratulerer i ei pressemelding alle vinnarane med prisane, og ho synest det er flott at det er så mange kvinner mellom dei.
– I eit akademia som framleis er dominert av menn, er det gledeleg å finna heile fire kvinner blant årets Kavliprisvinnarar. Eg håpar at dette vil vera til inspirasjon for unge kvinnelege forskarar, seier statsråd Kristin Halvorsen.
Alle prisane blir delte ut av kong Harald i Oslo konserthus den 4. september.
Les meir her: http://www.dnva.no/
Logg inn for å kommentere
Ikkje UiO- eller Feide-brukar?
Opprett ein WebID-brukar for å kommentere