Det finst tilsette på UiO som ikkje brukar PC i det daglege arbeidet sitt. Sekretær for valstyret, Bjørnar Sarnes, lovar at det ikkje skal bli noko problem for dei å delta i valet.
– Dei tilsette som ikkje har brukarnamn og passord, blir bedne om å kontakta leiaren sin eller den lokale IT-kontakten sin for å få oppretta dette. Dei som ikkje har tilgang til PC for å delta, kan bruka PC i rom 631 i 6. etasje i Administrasjonsbygningen, i kontortida frå kl. 0800 til 1545. Dei som ynskjer å levera papirstemme kan gjera dette ved venda seg til den same staden innanfor det samme tidspunktet, opplyser Sarnes.
Ein valmanual
Både val av rektor/ prorektor og andre val til Universitetsstyret vil gå føre seg ved elektronisk stemmegjeving i 2009. Reint konkret skal det skje på denne måten:
Felles samankomst for rektorkandidatane:
Universitetsdirektøren inviterer rektorkandidatane og andre spesielt inviterte til ein felles samankomst i Klubben og personalkantina i Georg Sverdrups hus torsdag 2. april kl. 15.30. Resultatet av rektorvalet blir gjort kjent av valstyret ei stund etter at fristen for å stemma er gått ut kl. 16.00. Uniforum kom i skade for å skriva at samankomsten var for alle interesserte, men den er for dei som har fått ein eigen invitasjon, og for begge rektorkandidatane med laga sine.
• Etter at du har logga deg inn på den elektroniske valportalen via denne nettsida møter du ei nettside med ei liste over aktuelle val.
• Dette er val der du er oppført i manntallet og der du ikkje allereie har stemt.
• Etter at du har markert eit val, kan du anten trykkja på knappen "Vis info" eller "Velg". I sistnemnde tilfelle vil du begynna å stemma. Du kan avbryta denne prosessen heilt fram til den er slutt.
• Etter å ha stemt, kan du også ombestemma deg, så lenge valet er ope. For å gjera det siste brukar du lista over "Åpne valg". Du kan då stemma om igjen.Viss du gjer dette, blir den tidlegare stemma di forkasta når du leverer ei ny stemme.
• Knappen "Andre valg" er val der du ikkje står i manntalet, men der du meiner dette er feil. Stemma vil då bli send over til valstyret som godkjenner eller forkastar stemma.. Valstyret vil ikkje kunna sjå kva du har stemt.
• Etter innlogging vil du ha tjue minutt på å stemma. Ei brukarrettleiing finst på denne nettsida:
Om du har behov for assistanse eller ynskjer svar på noko om den elektroniske valordninga, kan du senda ein e-post til evalg-drift@usit.uio.no
Logg inn for å kommentere
Ikkje UiO- eller Feide-brukar?
Opprett ein WebID-brukar for å kommentere