12-åring vann matematikk-konkurranse

Uniforum nr. 05 1998

---

KAN MATEMATIKK: Dei seks finalistane i Nils Henrik Abels matematikk-konkurranse omkransar statua av matematikkgeniet. Frå venstre Geir Kjetil Sandve frå Skeisvang vidaregåande skule i Haugesund, Vigleik Angeltveit frå Porsgrunn vidaregåande skole, David Kunszenti-Kovács frå Den Franske Skolen i Oslo, Einar Fredriksen frå Sandefjord vidaregåande skole, Tarald Guldahl Seierstad frå Lillehammer vidaregåande skule og Øyvind Grotmol frå Berg vidaregåande skule i Oslo. (Foto: Ståle Skogstad)

Den tolv år gamle David Kunszenti-Kovács frå 7. klasse ved Den Franske Skolen i Oslo vann Niels Henrik Abels matematikk-konkurranse i ei tevling der 23 andre finalistar frå vidaregåande skular i Noreg deltok. Alle dei andre som deltok, var i alderen 18 til 19 år. Konkurransen blei halden den 12. mars, sjølvsagt i Niels Henrik Abels hus på Blindern. Saman med dei andre fem finalistane skal David Kunszenti-Kovács representera Noreg i Den internasjonale matematikkolympiaden på Taiwan i perioden 10. til 21. juli. Det er Norsk Matematisk Forening som arrangerer denne årlege matematikk-konkurransen til minne om Niels Henrik Abel, mannen som blir rekna som ein av verdas største matematikarar.

 

---

Uniforum nr. 05 1998