Tidsskriftet The Journal of Media Innovations har medieprofessor Charles M. Ess som hovudredaktør, og han har med seg forskarane Karoline Andrea Ihlebæk, Terje Colbjørnsen og Anders Fagerjord som gode støttespelarar.
– Den første artikkelen er skriven av medieforskaren Lars Nyre frå Universitetet i Bergen, og den er allereie lasta ned 1100 gonger på internett. I gjennomsnitt er dei artiklane me har publisert, blitt lasta ned 473 gonger, fortel Charles M. Ess. Han ser på det som svært godt for eit slikt nisjetidsskrift, sidan gjennomsnittet for vitskaplege artiklar i papirversjon ofte er sju registrerte lesarar, medan 30 er fantastisk for ein vitskapleg artikkel.
– Målet med tidsskriftet er å publisera artiklar både om nyskaping i media og artiklar om nye media. Alle artiklane blir fagfellevurderte, og tidsskriftet er ope tilgjengeleg på nett. Me trudde at dette berre ville interessera eit fåtal personar, men det viser seg at interessa er mykje større enn me hadde trudd, seier han nøgd. – Og dette blir ein UiO-publikasjon, forsikrar Charles Ess, og skryter over Institutt for media og kommunikasjon ved UiO som har lagt forholda til rette for at ideen om tidsskriftet kunne realiserast.
Logg inn for å kommentere
Ikkje UiO- eller Feide-brukar?
Opprett ein WebID-brukar for å kommentere