Signe Howell får UiOs forskingspris

Professor i sosialantropologi, Signe Howell er tildelt UiOs forskingspris for 2007. Det bestemte Universitetsstyret i dag. Prisen er på 250 000 kroner og blir delt ut på UiOs årsfest i september.

FÅR FORSKINGSPRISEN: Professor i sosialantropologi, Signe Howell er tildelt UiOs forskingspris.
Foto: Ola Sæther

I grunngjevinga for å gi henne prisen heiter det at ho har bidratt sterkt til fornyinga av den sosialantropologiske forskinga, også i Noreg, gjennom fleire viktige og nyskapande forskingsprosjekt og publikasjonar.

Ho har doktorgrad frå University of Oxford i 1981, og seinare arbeidde ho som forelesar ved University of Edinburgh. Howell blei tilsett ved Sosialantropologisk institutt i 1987.

Dei som nominerte henne til forskingsprisen trekkjer også fram forskinga hennar på urfolket Chewong i regnskogen i Malaysia. Ho har fylgt denne folkegruppa i over 30 år og i 2006 bidro ho til ei bok som oppsummerer sentrale aspekt ved endringane dei har gått gjennom i møtet med det malaysiske storsamfunnet. Dei siste åra har ho forska på slektskap og internasjonal adopsjon. Howell har også vore redaktør av Norsk Antropologiske Tidsskrift.

Emneord: Forskning, Universitetets priser Av Martin Toft
Publisert 21. juni 2007 14:12 - Sist endra 10. des. 2008 15:47
Legg til kommentar

Logg inn for å kommentere

Ikkje UiO- eller Feide-brukar?
Opprett ein WebID-brukar for å kommentere