Hovudkatalogen dekkar alle utanlandske titlar frå Universitetsbiblioteket blei grunnlagt i 1813 og fram til 1965. Til saman inneheld utanlandskatalogen 870 000 kartotekkort fordelte på 480 skuffer. På slutten av 1960-talet blei kortkatalogen overført til mikrofilm og gjort lettare tilgjengeleg for publikum. Det er mikrofilmane som no er blitt digitaliserte og gjort tilgjengelege for alle via Internett.
- Store delar av samlinga er allereie registrert i det nasjonale søkjesystemet BIBSYS, men den er svært mangelfull når det gjeld dei eldste delane av UBs eldste utanlandske samlingar. Difor har me vore avhengige av den gamle kortkatalogen for å finna fram til kva som fanst og kvar det var lokalisert, fortel hovudbibliotekar Berit Timm Marcussen.
- Det som skil denne katalogen frå andre katalogar er at den
er ordna etter gamle tyske tradisjonar. For å gjera det
lettare for publikum å forstå dette systemet, vil me leggja
inn tips om korleis dei skal søkja for å finna fram til den
rette boktittelen, seier bibliotekdirektør Jan Erik Røed. Det
er eit firma i Tyskland som har utført skanninga medan
tilsette ved Universitetsbiblioteket har gjort det omfattande
arbeidet med indeksen. Arbeidet har til saman kome på
570 000 kroner.
- Oppgåva har vore å skanna mikrofilmen og gjera det mogleg å søkja opp korta via Internett. Dessutan er det lagt inn ein nettpresentasjon med hjelpe- og informasjonssider. Prosjektgruppa har også utvikla ein funksjon for å tinga desse bøkene, fortel Marcussen. Og de kan finna denne elektroniske katalogen ved å gå inn på nettsida til Universitetsbiblioteket i Oslo: www.ub.uio.no
Logg inn for å kommentere
Ikkje UiO- eller Feide-brukar?
Opprett ein WebID-brukar for å kommentere